Полскиот вицепрвак Висла Плоцк пред стартот на натпреварите во Лигата на Европа се засили со десен бек.
По повредите на двата десни бека, Давид Фернандез и Предраг Вејин, Чави Сабате мораше да бара друга алтернатива, а изборот падна на Зоран Илиќ.
Станува збор за десен бек од Веспрем, кој потекннува од Србија, но има унгарски пасош и настапува за младинските селекции на оваа земја.
18-годишниот Илиќ лани играше на неколку меча за унгарскиот гигант во СЕХА лигата, а Давид Дејвис му даваше шанса и во унгарскиот шампионат. На 22 меча даде 97 голови.
Висла Плоцк е противник на Металург во групата А од Лигата на Европа и ќе гостува во Скопје на 27 октомври во второто коло.
ПОВРЗАНИ ВЕСТИ
