Францускиот ПСЖ за новата сезона остана без дел од играчите кои беа во прв план кај тренерот Раул Гонзалес.
Голманот Коралес замина во Веспрме, Абало потпиша за Елверум, а Ду Риц и Гудјонсен ја завршија кариерата. Најголемата загуба е преминот на Сагосен во Кил, но менаџерот на ПСЖ, Бруно Мартини, вели дека тоа не ги намалува амбициите.
„Потпишавме играч како Даинис Кристопанс, кој го бараше Веспрем и многу други големи клубови. Претседателот на Келце дури и ми се јави да се распраша за можноста да го откупат неговиот договор, но ние секако ја одбивме таа опција. Потоа го ангажиравме најдоброто десно крило од ЕП 2018 година, Феран Соле, а тука е Елохим Пранди, кој сигурно е еден од најдобрите во Европа од неговата генерација“, вели Мартини за „Л’екип“.
ПСЖ ги донесе и голманот Јан Женти, како и вечно повредениот Матје Гребиј. Францускиот тим следната сезона ќе биде дел од групата на Вардар во Лигата на шампионите.
