Легендарниот ракометар од Норвешка, пивотот Бјарте Мирхол се врати на терените после долга пауза и влезе максимално самоуверено на тренинзите.
Тој имаше сериозни проблеми бидејќи имаше симптоми на коронавирус, а самиот вели дека минал тежок период.
„Никогаш не сум бил тестиран, но сите околу мене имаа поитивни тестови на коронавирус. Нема сомнение дека и јас го имав. Вирусот остана во моето тело три и пол недели. Тоа беше навистина долго време. За овој период ја загубив формата. Не сум навикнат да минувам толку многу време без тренинг така што ова беше навистина тежок период за мене“, изјави Мирхол.
Тој е играч на Скјерн и ќе игра за овој клуб и во новата сезона. Со оглед на тоа што се чувствува добро нема да има проблеми да ги одработи подготовките за новиот шампионат.
ПОВРЗАНИ ВЕСТИ
