Хрватскиот десен бек Лука Степанчиќ, кој ја игра првата сезона како член на унгарскиот ПИК Сегед, смета дека ЕХФ донесе избрзана одлука кога ги откажа сите осминафинални и четвртфинални дуели.
Со таа одлука и европскиот шампион Вардар и неговиот ПИК Сегед се елиминирани без борба.
„Одлуката беше донесена многу брзо. Секогаш треба да е фер за сите и во духот на спортот. Секој има шанса и се случуваат чуда во ракометот, а во сезоните наназад сите знаат што направија Вардар и Фленсбург. Ваквата одлука ја убива суштината на спортот“, вели Степанчиќ за „Балкан Хендбол“.
Доколку го добиеше двомечот со Вардар, ПИК Сегед во четвртфиналето ќе играше против домашниот ривал Веспрем.
