Навивачите на Металург сигурно се сеќаваат на српскиот интернационалец Милан Чоровиќ, кој му ја донесе на тимот од Автокоманда првата историска титула во Македонија.
Во сезоната 2005/2006, во финалето од плеј-офот на Суперлигата серијата меѓу Металург и Вардар ја доби тимот од Автокоманда со 2-1. Решавачкиот натпревар се одигра на теренот на Металург, беше драматичен до самиот крај, а Чоровиќ погоди во последните секунди за победа со 27-26 и за титула на Металург.
Србинот го издвои тој момент како најубав во неговата богата кариера, во која ги носеше дресовите на српските Црвена Ѕвезда, Партизан и Стари Град, словенечкиот Голд Клуб, францускиот Ним, швајцарскиот Фади Винтертур, шпанската ТЕКА Кантабрија, како и двата клуба од Обединетите Арапски Емирати – Ал Аин и Ал Шарјах.
„Еден од најбавите моменти во мојата кариера е погодокот во последните секунди против Вардар во одлучувачкиот натпревар од плеј-офот, со кој му ја донесов првата титула во историјата на Металург“, вели Чоровиќ за Рукометни Журнал.
Кариерата ја заврши во српскиот Обилиќ, а веќе работи како делегат на ракомените натпревари во српските лиги.
