Ракометарите на европскиот шампион Вардар имаат негатива по првото полувреме на натпреварот со бундеслигашот Кил, прв во пролетниот дел од Лигата на шампионите. Домаќините водат со 18-14 по првиот дел.
На стартот беше 3-3, но потоа избраниците на Стевче Алушовски погрешија неколку пати во нападот и “зебрите” направија позитива од четири погодоци, 7-3.
Се трудеа вардарци да парираат на разиграните домаќини, но не успеваа, бидејќи како и во Скопје, Ландин беше расположен на голот, па Кил имаше и плус шест во продолжение од натпреварот, 15-9.
Сепак Чупиќ, Калараш и Стоилов намалија на пристојна негатива по 25 минути игра, 15-12, но Јиха веднаш реагираше со тајм-аут. До крајот на полувремето ништо особено не се промени, па Кил замина на пауза со предност од четири голови, 18-14.
ПОВРЗАНИ ВЕСТИ
