Ракометарките на Спартак ја запишаа четвртата победа во Женската лига, откако на домашен терен беа подобри од тимот на Ѓорче Петров со 24-22.
Гостинките добро го отворија мечот, диктираа темпо во првите десетина минути, водеа со 3-4, но неколку грешки во нападот во серија, беа доволни за Спартак да го сврти натпреварот во своја полза. Поведоа домаќинките со 7-4, а имаа и 10-6, но до паузата Ѓорче Петров намали на 12-9.
Во вториот дел гостинките се вратија во игра, дојдоа до 17-16, но немаа сили за комплетен пресврт. Иако ниту Спартак не одигра најдобро во финишот, сепак избраничките на Веко Мицевски погодуваа кога треба и го добија мечот со два разлика.
Најдобри стрелци кај домашните беа Андонова со осум, како и Василева и Костадиновска со по четири, додека кај Ѓорче се истакнаа Србиновска со осум и Цветановска со седум погодоци.
