После само четири месеци на клупата на ППД Загреб поранешниот хрватски репрезентативен голман Владо Шола поднесе оставка. Главна причина за ваквиот потег се слабите резултати од кои не е задоволен самиот Шола.
На негово место доаѓа Ивица Обрван кој во минатото беше и селектор на репрезетнацијата на Македонија, а пред само неколку дена беше промовиран како нов селектор на БиХ.
„Ме повикаа од клубот, ситуацијата не е баш добра а јас не сум волшебник. Раговарав со Шола, го гледав ППД Загреб и знам што ме очекува. Можам само да кажам дека Загреб е голем клуб и сите кои играат во неговиот дрес треба добро да го знаат тоа. Единствено заеднички можеме да направиме чекор напред. Колку ќе напредуваме, во овој момент е тешко да се каже но секако е цел добро да ја завршиме сезоната и да го поправиме впечатокот. Ја ќе направам сè за да биде така“, изјави Обрван за sportske.jutarnji.hr.
Промените во Загреб се случуваат сè почесто, Обрван е веќе трет тренер оваа сезона. Ивица Обрван по вторпат ќе седне на клупата на Загреб откако претходно го предводеше од 2010 до 2012 година.