Хрватите ги сложија „коцките“: Катарскиот отпор не издржа пред налетот на „каубоите“

На крилата на одличниот голман Марин Шего, избраниците на Червар ја конторлираа играта на терен и водеа во текот на целиот натпревар. Катар имаше свои периоди, но успеа само да ја одржи неизвесноста во овој дуел во кој на крајот се радуваа хрватските ракометари.

Хрватска од самиот почеток ја презема контролата над резултатот и бргу создаде предност од два гола. Разлика ја одржуваше во првите 20 минути кога по две грешки во нападот, прво Мартиновиќ па потоа Дувњак им овозможија на Катарците да го изедначат резултатот. Но Марин Шего не дозволи да биде изненаден од пенал линијата, а Мамиќ во следниот напад ја врати предноста на Хрватска и изнуди исклучување. Во овој последен дел од првото полувреме Шего блескаше и му одбрани два удари од седум метри на Мемеди, па затоа Хрватска се уште ја држеше предноста од почетокот на дуелот. На пет минути до крај на првиот дел, Марзо ја врати неизвесноста и го израмни резултатот на 10-10. А одличниот Шего им овозможи на Хрватите преку Мамиќ и Мартиновиќ да ја вратат предноста од два гола, 13-11. Резултат со кој двете екипи заминаа на полувреме.

По паузата Хрватска ја достигна највисоката предност од три голови, но Катарците не дозволија каубоите предвреме да се радуваат и бргу се доближија на гол предност.Сепак не успеаа да го изедначат резултатот. Хрватите во 40. минута имаа шанса преку удар од пенал линијата да го зголемат водството на „плус четири“ но Шариќ го прочита обидот на Чупиќ, а на спротивната страна Катар го намали резултатот на негатива од два гола. Ниту Хорват не успеа да искористи чиста шанса за гол втрчувајќи на пивотменската позиција, па казната значеше само гол предност за коцкестите на средина на второто полувреме.

Коцкестите бргу поставија контролата над играта и повторно заминаа на „плус три“, а Катарците ја вратија неизвесност десет минути до крајот.  Но по тајм-аутот на Червар Хрватска замина на три голови предност и во рутинирана завршница успеа да запише важни бодови за втората фаза од Мундијалот. По шеесет минути Хрватска се радуваше на победа од 26-24.

 

Како ќе изгледа табелата во групата II од главната фаза