Во рамки на 2. коло во Лигата на Европа се одиграа само четири натпревари од вкупно дванаесет. Два дуели беа од групата на Металург, Адемар – Тулуз и Фиверс – Чеховски Медведи. Од групата Б единствено играа Кристиjанштад и Динамо Букурешт, додека од групата Д играа само ГОГ и Еурофарм Пелистер.
Во првиот термин од 18:45 играа Адемар Леон и Тулуз, а натпреварот заврши без победник 26:26 откако во завршните минути гостите надоместија четири гола и стигнаа до бод. Во поголемиот дел, шпанскиот претставник имаше предност, а по првото полувреме предноста беше минимална, 16:15. Во вториот дел на неколку наврати имаа четири позитива, но ракометарите на Адемар пропуштија шанса за победа.
Рускиот претставник Чеховски медведи имаше успешно гостување кај Фиверс и славеше победа со 32:30. Првиот дел беше максимално израмнет со менување на водството, по 30 минути игра гостите имаа гол предност, 15:16. Во продолжението Чеховски Медведи го контролираше резултатот и обезбеди први бодови во првиот натпревар во Лигата на Европа.
Кристијанштад со убедливо издание на домашен терен без многу проблеми оствари победа против Динамо Букурешт, 31:29. Уште на почетокот домаќините направија четири позитива која успешно ја одржаа и на полувреме кога беше 16:12. Во вториот дел Кристијанштад имаше уште поубедливо издание и оствари прва победа после поразот во 1. коло од Фуксе Берлин.
ЛИГА НА ЕВРОПА
РЕЗУЛТАТИ ОД 2. КОЛО
ГРУПА А
АДЕМАР – ТУЛУЗ 26:26
АОН ФИВЕРС – ЧЕХОВСКИ МЕДВЕДИ 30:32
МЕТАЛУРГ – ВИСЛА ПЛОЦК одложено
ГРУПА Б
КРИСТИЈАНШТАД – ДИНАМО БУКУРЕШТ 31:22
НИМ – ФУКСЕ БЕРЛИН одложено
СПОРТИНГ – ТАТРАН ПРЕШОВ одложено
ГРУПА Ц
МАГДЕБУРГ – МОНПЕЛЈЕ одложено
ЦСКА МОСКВА – АЛИНГСАС одложено
НЕКСЕ – БЕШИКТАШ одложено
ГРУПА Д
ГОГ – ЕУРОФАРМ ПЕЛИСТЕР 30:29
ТАТАБАЊА – РАЈН НЕКАР одложено
ТРИМО ТРЕБЊЕ – КАДЕТЕН одложено
ПОВРЗАНИ ВЕСТИ
