Левиот бек на тимот на Монпелје, Мохамед Суси, се сели во ривалот од францускиот шампионат Трембле со кој потпиша договор на две години.
Селекторот на Финска, Ола Линдгрен, не се договори за продолжување на соработката со египетскиот тим Ал Ахли и сега останува само со репрезентативни обврски.
Тимот на ЧСМ Букурешт има нов тренер, легендата на романскиот ракомет Елиодор Војка. Покрај него во тимот доаѓаат пикерот Јулијан Јеребие, левото крило Николае Унгуреану и пикерот Раул Кампос.
Левиот бек на Спортинг Лисабон, Едмилсон Араухо, кој беше понуден на Еурофарм Пелистер, следната сезона ќе ја мине на позајмица во романскиот Баја Маре.
Словенечкиот шампион Крим донесе две засилувања во пресрет на новата сезона. Станува збор за левото крило на Будуќност, Бранка Конатар и пикерот Ана Добриќ од Жалец.
Некогашниот член на Вардар Јуниор и Пелистер, десниот бек Ристо Вујачиќ, по заминувањето од словенечката РИКО Рибница ќе има нов предизвик во францускиот тим Истр.
Урош Зорман донесе уште едно ново засилување во составот на Тримо Требње, а станува збор за левото крило Лука Флоријанчиќ, кој претходно играше за Крка и Добова.
По средниот бек Патрик Лемос, уште еден играч од Олимпијакос се пресели во АЕК Атина. Станува збор за грчкото репрезентативно десно крило Димитрис Цирас, кој се обврза на двегодишна верност.
Десниот бек Алексеј Ганчев, кој минатата сезона играше за ЗТР и за Мотор Запорожје, ќе има нова станица во кариерата, а тоа е романската екипа Дунареа Калараши.
