Ракометарките на Стружанка откако останаа со празни раце на дуелот со Металург во претходното коло, се вратија на победите откако во Струга славеа против составот на Астибо со 31:29 (17:11).
Победникот го најавија уште по првиот дел, иако штипјанки парираа во првите дваесетина минути. По водството на Астибо со 5-4, со двата гола на Далипоска и Делиоска, Стружанка направи пресврт и поведе со 7-5.
Потоа беше полесно за избраничките на Владимир Паноски. Полека ја градеа предноста и стигнаа до плус шест, 14-8, а до паузата ја сочуваа истата разлика, 17-11.
Второто полувреме беше само рутински одработување на задачата. Стружанка во најголемиот дел од вторите 30 минути имаше водство од пет до шест гола разлика, во неколку наврати имаше и плус седум (24:17, 25:18, 28:22) и во финишот им дозволи на гостинките само да го ублажат поразот.
Најефикасна во победничката беше Мендувие Далипоска со седум погодоци. Во поразениот табор се истакна Марија Анчева со 14 гола.
ПОВРЗАНИ ВЕСТИ
