Македонската репрезентација утре патува на реваншот од квалификациите за ЕП против светскиот првак Данска.
Селекторот Кире Лазаров нема да смета на услугите на Стојанче Стоилов, кој има повреда на грбот и играл на свој ризик на првиот двобој со Данска.
„Со Столе денеска разговаравме. Тој беше неизвесен и вчера, но го познаваме дека е борец и самиот инсистираше. Му понудив поради неговото здравје да не игра вчера,но тој се стави на располагање на Македонија и затоа сум му благодарен. Одлучивме да го ослободиме бидејќи има проблеми со грбот. Се надевам дека брзо ќе заздрави и ќе се стави на располагање на Вардар и тренерот Алушовски, а ние имаме шанса да провериме уште еден пивот на кој сметаме, Михаил Аларов. Тој во овој период покажа квалитет и напредок и сериозно сметаме на него во следниот период“, вели Лазаров.
Натпреварот меѓу Данска и Македонија се игра в недела со почеток во 16:00 часот.