Денеска се одиграа натпреварите од третото коло од групната фаза на Светското првенство за младинци во Германија, па познати се екипите што продолжуваат во главната рунда и оние што ќе разигруваат за пласман.
Најголемото изненадување го приреди Бахреин, кој вчера во клучниот меч одигра реми со Словенија, а денеска го победи со 50 разлика Гренланд, и по поразот на Словенија од Шведска со подобра гол разлика го освои второто место и оди во главната рунда.
Франција се извлече и во директен дуел ја елиминира Полска, па заедно со Хрватска оди во главната рунда.
Србите загубија во битката за прво место од Исланд и ќе мораат по потежок пат да бркаат четвртфинале, додека селекцијата на Фарски Острови уште еднаш покажа дека нема шега со нив и ја надигра Шпанија за прво место во група и само чекор ги дели од историски успех.
Единствени неевропски селекции во најдобрите 16 се Египет, Бразил, Тунис и Бахреин.
Светско првенство, младинци, 3 коло, резултати:
група А
Хрватска – САД 48-23
Франција – Полска 37-33
група Б
Тунис – Либија 31-22
Алжир – Германија 22-33
група Ц
Кувајт – Костарика 41-28
Португалија – Бразил 27-19
група Д
Јапонија – Ангола 33-32
Шпанија – Фарски Острови 31-34
група Е
Аргентина – Норвешка 31-32
Унгарија – Данска 33-28
група Ф
Бахреин – Гренланд 63-13
Шведска – Словенија 38-25
група Г
Чиле – Мароко 18-24
Србија – Исланд 29-32
група Х
Куба – Саудиска Арабија 27-28
Египет – Грција 36-30
ПОВРЗАНИ ВЕСТИ
