Екипата на Ѓорче Петров славеше убедлива победа на гостински терен во 7. коло од Женската лига против составот на Спартак со високи 17:36.
Ракометарките на Ѓорче Петров рано ја најавија победата уште кога со серија од седум гола имаа високо водство од 4:9. До крај на првото полувреме Спартак веќе имаше недостижна негатива. На паузата беше 8:17.
Во вториот дел Ѓорче Петров одигра уште поефикасно и само ја потврди доминацијата. Веднаш на стартот гостите имаа двоцифрена предност која продолжи да расте и достигна високи 19 гола која беше доволна за нови бодови.
Во победничкиот тим сите ракометарки се запишаа во листата на стрелци, а најпрецизни беа Ана Марија Коларовска со шест гола и Стојановска, Јанкуловска и Цветановска со по пет погодоци. Во составот на Спартак најпрецизна беше Ангела Гроздановска со четири гола.
ПОВРЗАНИ ВЕСТИ
