Словенечкиот плејмејкер Сташ Скубе од следното лето ќе ги брани боите на полскиот шампион Келце.
Тој потпиша договор на три сезони со тимот предводен од Талант Душебаев, а доаѓањето на Скубе, многу веројатно значи и заминување на Игор Карачиќ, бидејќи на истата позиција игра и исландскиот среден бек Хаукар Трастарсон.
Скубе во моментов е член на Мешков Брест, каде што е еден од најдобрите ракометари и стрелци.
31-годишниот среден бек потекнува од Тримо, играше за Горење, ПИК Сегед и Вардар пред да замине во Мешков Брест.
„Среќен сум што потпишав за амбициозен тим каков што е Келце. Одлуката беше многу лесна. Секој што го прашав за Келце, ми кажа само убави работи. Се надевам дека ќе му помогнам на клубот да освојува титули во Полска и во Лигата на шампионите“, вели Скубе.