Поранешниот селектор на женската сениорска репрезентација на Македонија, Симе Симовски, повторно се врати на женскиот клупски ракомет.
Откако седеше на клупата на новиот суперлигаш Скопје, и ја прекина соработката по неколку месеци, Симовски веднаш најде нов ангажман – ќе го води тимот на Ѓорче Петров.
Дебито на Симовски е на дербито со Металург во Автокоманда, а ова е негов камбек во женскиот клупски ракомет, откако пред две сезони го водеше актуелниот првак Куманово.
Ѓорче Петров од стартот на сезоната го водеше Оливер Димитриоски, а по неговото заминување на клупата седеа Милева Велкова и Ангел Велков, кои ќе останат и во стручниот штаб на Симовски.
ПОВРЗАНИ ВЕСТИ
