Од вчера стартуваа подготовките за баражот за Мундијалот, а Македонија на средината на април ја очекуваат пресметки со селекцијата на Романија против која ќе биде максимално тешко и на двете средби.
Ракометарките го знаат тоа, но покрај тоа што го респектираат противникот се и свесни дека имаат квалитет за да се надигруваат и ќе се обидат да го покажат најдоброто на теренот.
„Романија е квалитетна репрезентација која игра модерен и брз ракомет. Редовно е на големите натпреварувања. Се разбира дека нема да го кренеме белото знаме. Оптимисти сме и ќе се бориме на двата натпревари. Ќе одиграме максимално, а со дисциплинирана одбрана и добро организиран напад верувам дека ќе прикажеме одлични натпревари“, вели голманката Матеја Серафимова.
Таа и колешките за помалку од месец одново ќе се соберат и веќе на 16 или 17 април ќе го имаат првиот натпревар против Романија на гостински терен, додека три или четири дена подоцна ќе ги одмерат силите во Македонија на реваншот.
ПОВРЗАНИ ВЕСТИ
