Ракометарка од Франција која во 2017 година го освои златниот медал на Светското првенство, Лориса Ландре одлучи да стави крај на играчкта кариера и да се посвети на работа надвор од терените.
Таа одлучи дека е време да почне да работи како агент за недвижнини.
„Имам долга и успешна кариера. Направив многу и задоволна сум. Одлучив дека е време да заминам во пензија. Ќе се посветам на работата како агент за недвижнини“, вели 34-годишната Ландре, која беше ракометарка на Мец.
Со Франција покрај златото на Мундијалот во 2017 година има и сребро на Олимписките игри и бронза од Европските првенства. Покрај тоа доби и Орден на честа на Франција во 2016 година.