Голем дел од натпреварите низ Европа односно лигите се комплетно одложени. Повеќето земји се решија на ваков чекор, а меѓу нив е и Македонија каде што вчера дојде одлука за одлагање на сите натпревари за две недели.
Според она што во моментов е познато најдолго ќе се чека за Бундес лигата, но не е исклучена и можноста за поместувања и кај некои од другите првенства бидејќи ги има многу кои добија нови термини.
Веќе се споменува и нов термин за Ф4 турнирот во Келн, а засега се чека на информација што би се случило со Ф4 во Сеха.
Оттаму носиме преглед на досега одложените натпревари, како и преглед за повеќето лиги околу тоа како се играат натпреварите доколку уште не е дојдено до одлагање подари Корона вирусот.
Германија: Прекин на натпреварите до 22 април/Одложен и Ф4 во Купот.
Франција: Прекин на натпреварите до 5 април/Одложен и Ф4 во Купот.
Данска: Прекин на натпреварите до 25 март/Ф4 од Купот одложен за 9 и 10 мај.
Шпанија: Прекин на натпреварите до 23 март.
Македонија: Прекин на натпреварите до 27 март.
Португалија: Прекин на натпреварите до 29 март.
Австрија: Прекин на натпреварите до 3 април.
Хрватска: Прекин на натпреварите до 1 април.
Полска: Прекин на натпреварите на неодредено време.
Словенија: Прекин на натпреварите на неодредено време.
Србија: Натпреварите се играат без публика.
Норвешка: Првенството е прекинато.
Шведска: Регуларниот дел од сезоната се игра без публика. Одлуката за плеј-офот и плеј-аутот ќе биде донесена денеска.
Швајцарија: Одлуката за идните натпревари од првенството ќе биде донесена денеска.
Исланд: Засега натпреварите се играат според предвиденото и со публика.
Квалификации за ОИ: Можно е одлагање. Засега е познато дека ќе се играт без гледачи.
Ф4 во Лига на шампиони: Алтернативниот датум за турнирот во Келн е 22 и 23 август доколку нема можност да се одржи во предвидениот термин.
Ф4 во СЕХА лига: Уште нема ништо официјално за Ф4, а четврт-финалните дуели се играат без публика.
БЕНЕ лига: Ф4 турнирот е одложен.
Балтичка лига: Одложена на неодредено време.
ПОВРЗАНИ ВЕСТИ
