Ракометарките на Деспина очекувано стартуваа со победа во новата сезона на гостувањето кај Кузман Вардар Илинден откако дојдоа до триумф од 37:24.
Прилепчанки беа во постојана предност и во ниту еден момент не ја доведоа победата во прашање. Почнаа да ја градат позитивата во првиот дел коа имаа 19:11, па овие осум гола допринесоа за мирно продолжение.
Во вториот дел контролата на играта беше доволна да може да се продолжи сигурно кон триумф. Разликата растеше, па стана и двоцифрена за на крајот да се обезбеди 37:24 за три бода на стартот од новата сезона.
Деспина е еден од тимовите кои се кандидати за место во плеј-офот, додека Кузман Вардар Илинден ќе има тешка задача за да дојде до бодови.
КУЗМАН ВАРДАР ИЛИНДЕН – ДЕСПИНА 24:37 (11:19)
Сала: „Кочо Рацин“ во Скопје. Судии: Божидар Јованов и Пепи Димков од Скопје. Делегат: Мамер Реџепи од Скопје.
КУЗМАН ВАРДАР ИЛИНДЕН: Атанасова 2, Стојамновска 4, Јовевска 3, Петковска 1, Ангеловска, Петровска, Стојановска, Насковска, Милевска, Кириловска, В, Ангеловска 7, Додевска 3, Стојчевска, Ј. Ангеловска 4, Симоновска
Седмерци: 7/8, Исклучувања: 8 мин.
ДЕСПИНА: Гулеска, Ел. Рипилоска, Ева Рипилоска, Камческа 3, Цветкоска 4, Спиркоска, Ристевска, Димитрова 3, Петреска, Богојеска 2, Чурлиноск, Еленин 8, Цаневска 3, Седлоска 8, Димоска 1, Бечирхоџиќ 5
Седмерци: 7/7, Исклучувања: 2 мин.
ПОВРЗАНИ ВЕСТИ
