Европската ракометна федерација од оваа сезона одлучи прес конференциите по завршувањето на натпреварите од Лигата на шампионите да се пренесуваат на социјалните мрежи, па медиумите и навивачите имаат одлична можност да ги чујат размислувањата на главните актери на теренот.
По минати пет кола во машката и по три во женската Лига на шампиони, најгледана прес конференција е онаа на која за првпат не се појави главен тренер на некоја од екипите.
Едуард Кокшаров не сакаше да зборува пред новинарите, па го прати Дејан Периќ, но и покрај тоа пресот по мечот меѓу Веспрем и Вардар го гледале околу 20.000 корисници на Фејсбујк.
Во женска конкуренција најгледана досега е прес конференцијата по мечот меѓу ЧСМ Букурешт и Ростов Дон, која ја проследиле околу 17.000 корисници на Фесјбук. Вкупно досега, четврт милион луѓе ги гледале сите прес конференции од стартот на сезоната.
ПОВРЗАНИ ВЕСТИ
