Репрезентациите учеснички на Мундијалот во Египет продолжуваат со пријателските натпревари во подготвителниот период пред почетокот на првенството.
Репрезентацијата на Полска беше поуспешна од Русија со 25:23. Полјаците имаа предност во најголемиот дел од натпреварот, а така беше и на полувреме кога водеа 12:11. До крајот на дуелот Русија не успеа да направи пресврт и да стигне до победата.
Во составот на Полска настапи пикерот на Вардар, Патрик Валчак кој успеа да постигне еден гол, а прв стрелец беше Аркадиуш Морито со пет гола. Во репрезентацијата на Русија прв стрелец беше Житников со осум погодоци.
Репрезентацијата на Шпанија триумфираше против Катар 28:26 откако на претходниот дуел против Тунис не успеа да победи. И по првото полувреме Шпанија имаше минимална предност 13:12 која ја задржа до крај.
Репрезентативците на Чешка силите ги одмерија со противник кој не учествува на Светското првентво. Чесите ја совладаа репрезентацијата на Словачка 28:21. Првиот дел беше доста израмнет и заврши без предност на една од екипите 9:9.
Аргентина ја изненади репрезентацијата на Тунис и победи со 28:27, а јужноамериканската репрезентација имаше водство на полувреме од два гола 14:12. Во продолжението Тунис не успеа да извлече позитивен резултат.
ПРИЈАТЕЛСКИ НАТПРЕВАРИ, РЕЗУЛТАТИ:
ТУНИС – АРГЕНТИНА 27:28 (12:14)
КАТАР – ШПАНИЈА 26:28 (12:13)
СЛОВАЧКА – ЧЕШКА 21:28 (9:9)
ПОЛСКА – РУСИЈА 25:23 (12:11)