По пауза од една година, повторно ќе се игра ТВ Турнирот на шампионите во босанскиот град Добој. Освен домашната екипа на Слога, учество на 52. турнир ќе имаат и екипите на Загреб, Копер, Војводина, Извиѓач, Динамо Букурешт, Кокс и Татран Прешов.
Претходната година поради ковид ситуацијата, Добој не можеше да го организира еден од најстарите и најголеми турнири во светот. Но, оваа година ситуацијата се стабилизира, па така организаторот на турнирот реши да повика неколку атрактивни екипи.
Екипите ќе бидат поделени во група А и Б. Групата А ја сочинуваат: Слога, Загреб, Војводина и Копер, додека во група Б ќе учествуваат екипите на Извиѓач, Динамо Букурешт, Кокс и Татран Прешов.
За разлика од неколкуте претходни изданија, оваа година нема да има македонска екипа во Добој.