Селекторот на женската репрезентација на Србија, Љубомир Обрадовиќ, го објави скратениот список од 22 ракометарки што ќе ги бранат боите на нашиот северен сосед на Европското првенство во Данска и Норвешка.
На списокот се најдоа и пет ракометарки што во минатото ги носеа дресовите на македонските тимови Вардар и Металург.
Тоа се крилото Катарина Крпеж, пикерот Драгана Цвијиќ, како и бековите Андреа Лекиќ, Јелена Трифуновиќ и Кристина Лишчевиќ.
Репрезентацијата треба да има собир на 22 ноември, а патот за Трондхајм е планиран на 2 декември. Србија ќе игра во групата Ц заедно со Холандија, Унгарија и Хрватска, а трите најдобри селекции ќе се пласираат во следната рунда.
ПОВРЗАНИ ВЕСТИ
