Селекторот на Македонија, Кирил Лазаров со својата екипа Нант имаше успешен настап и славеше победа во 11. коло од првенството на Франција. На домашен терен Нант го совлада Истр со 36:31.
Уште на почетокот Нант создаде одлична предност која немаше многу проблеми да ја оджува во продолжение. После само девет минути игра домашниот тим водеше со 8:2, а после 30 минути игра беше 19:15.
Во продолжението се играше доста ефикасно, а Нант рутински го водеше натпреварот кон победа. Ракометарите на Истр немаа шанси да избегнат пораз на овој дуел.
Кире Лазаров имаше ефикасен настап и беше стрелец на пет гола без промашување. Најефикасен во тимот на Нант беше Ривера со девет погодоци. Со овој триумф тимот на Лазаров се проби на втората позиција зад ПСЖ.
ПОВРЗАНИ ВЕСТИ
