Ракометарите на Охрид се првите осминафиналисти во Купот на Македонија откако денеска без никакви проблеми дојдоа до победа од 38:21 против составот на Преспа.
Охриѓани од почетокот на средбата наметнаа силно темпо и знаеја да ја контролираат средбата. Гостите од Ресен не можеа да парираат. Се виде квалитетот на тим од Супер и од Првата лига, па тоа доаѓаше до израз постојано на теренот.
Охрид ја користеше секоја шанса за да дојде до погодок и постојано ја зголемуваше предноста која на крајот од првото полувреме беше 20:10.
Овие плус десет во продолжение само беа зголемени за на крајот да биде обезбедена убедлива победа од 38:21 и да се потврди местото во следната рунда од Купот каде што директно е пласиран составот на Вардар.
ОХРИД – ПРЕСПА 38:21 (20:10)
Сала: СЦ „Билјанини извори“ во Охрид. Судии: Наум Танески од Струга и Пеце Стефановски од Охрид. Делегат: Славчо Ристевски од Охрид.
ОХРИД: Брауновиќ, Ковачески, Наумоски 6, Костов 9, Николов, Шилегов, Шулески 3, Младеновиќ 2, Ристески 8, Шипинкоски 1, Додиќ, Димитриески 4, Милошевиќ 3, Грубор 2
Седмерци: 3/3, Исклучувања: 2 мин.
ПРЕСПА: Тасевски, Милошевски 1, Мазинковски 3, Машковски 1, Тунтевски 4, Ставревски 4, Божиновски 6, Џуклевски 2, Ристевски, Крстевски, Христовски
Седмерци: 0/1, Исклучувања: 2 мин.
Куп на Македонија, елиминациско коло:
*прочитајте го извештајот од секој натпревар со клик на резултатот
Охрид – Преспа 38-21
Металург – Јехона 44-22
Голден Арт – Партизан Гевгелија 41-19
Пролет – Кичево 51-21
Јуниор КВ – Куманово 32-29
Скопје – Текстилец 35-19
Работнички – Драчево 25-30
Македонија Ѓорче Петров – Струга 26-37
Еурофарм Пелистер 2 – Металург РА 38-18
Астраион – Прилеп 25-37
Борец – Тиквеш 26-35
Бутел Скопје – Вардар Неготино 35-25
Шампион – Еурофарм Пелистер 13-40
Аеродром – Младост Богданци 29-24
Алкалоид – Радовиш 39-27
ПОВРЗАНИ ВЕСТИ
