Додека некои клубови ги почнуваат подготовките за новата сезона, Нексе од Хрватска продолжува да ги пополнува испразнетите позиции со нови ракометари.
Во екипата на Нашице пристигна младиот и перспективен ракометар од Дубрава, Карло Годец кој потпиша двегодишен договор со Нексе.
22-годишниот ракометар игра на позиција лево крило, а раководството на Нексе го посакуваше во своите редови по неговите добри настапи за младинската репрезентација на Хрватска.
Пред неколку месеци, Годец заигра и во сениорскиот дрес на Хрватска во рамките на ЕХФ Евро Купот.
Од 2017 година настапува за екипата на Дубрава и стекна доволно искуство со настапите во ЕХФ Купот и Лига на Европа. Пред да пристигне во Дубрава, 11 години играше за Медвешчак Загреб.
Во Нексе пред извесен период пристигнаа првите засилувања, Миха Кавчич и Предраг Вејин.