Тимот на Младост Богданци, откако го реши тренерското прашање во пресрет на новата сезона, активно работи и на формирање на играчкиот ростер. Богданчани потпишаа професионални договори со четворица младинци.
Договори на две години потпишаа 18-годишниот голман Ристе Пешков, како и пионерскиот репрезентативец Стојанчо Наумовски, кој има само 16 години и игра на позицијата лев бек, а богданчани велат дека тоа ќе биде новиот Мите Стоилов.
На двегодишна верност се обврзаа и средниот бек Ѓорѓе Банцалиски, кој беше меѓу најдобрите низ натпреварите од Првата лига, како и Саше Михајловиќ, кој минатата сезона играше и во Суперлигата за тимот на Работнички.
До крајот на оваа седмица, богданчани би требало да ги промовираат новите засилувања со кои ќе се обидат да бидат конкурентни во суперлигашкото друштво.
ПОВРЗАНИ ВЕСТИ
