Металург не виде мака против Тиквеш

Во натпреварот од 6. коло во Суперлигата кој беше одигран предвреме поради европските обврски на Металург, тимот од Автокоманда без поголеми проблеми славеше над Тиквеш со 36-24.

Кавадарчани водеа само на стартот со 0-2 и 2-3, а потоа се беше во знакот на домашниот тим. Металурзи си го фатија редот и најпрво поведоа со 6-3, а потоа константно ја зголемуваа предноста и ги казнуваа сите грешки на гостите.

Во двата тима имаше многу отсутни ракометари, па двајцата тренери Зоран Кастратовиќ и Томе Петрески им дадоа шанса на сите од клупата. До крајот на полувреме водството на Металург беше плус осум, 21-13.

Вториот дел беше само формалност и само беше прашање колкава ќе биде разликата на крајот. Домашните кои се подготвуваат за европските настапи не препуштија на случајот и рутински одиграа до крајот за конечни 36-24.

Could not load the poll.