Тимот на Цвикау, каде што игра македонската репрезентативка Симона Маџовска, забележа важна победа во Бундес лигата.
Цвикау славеше на домашен терен против составот на Мецинген со 26-25, иако на полувремето гостинките водеа со 17-14.
Маџовска беше меѓу најдобрите во победничкиот тим и постигна четири гола од седум обиди, а доби едно исклучување.
Цвикау сега има пет бода и ја напушти зоната на испаѓање, а во следното коло игра на домашен терен против Некарсулмер, некогашниот тим на Маџовска и ќе има шанса за нови бодови.
ПОВРЗАНИ ВЕСТИ
