Ракометарите на Вардар ги добија противниците во групната фаза од Лигата на шампионите. Македонскиот тим ќе биде дел од полесната група А. Избраниците на Веселин Вујовиќ ќе се соочат со ПИК Сегед, Кил, Алборг, Мешков Брест, Монпелје, Загреб и Елверум.
Кил досега нема потврдено ниедно засилување, а веројатно нема ни да го има, додека од заминувањата на тројца ракометари нема посебен ефект, бидејќи сите тројца само пополнуваа ростер.
Mешков Брест освен Кашпарек кој ќе го менува Паниќ, се уште нема замена за Шкуринскиј. Во белорускиот првак дојде нов тренер на местото на Раул Алонсо – Дани Гардо, па ќе биде интересно да се види дали Мешков ќе биде способен да го повтори резултатот од оваа сезона.
Елверум е послаб од минатата сезона ако се знае дека заминаа дел од носителите на играта, додека Загреб со доаѓањето на неколкуте познати имиња, во прв план Чупиќ, Муса и Гојун, со сигурност ќе биде „тврд орев“ за сите противници.
Финалистот од последното издание на Ф4, Алборг, ќе биде уште посилен следната сезона. Доаѓаат скандинавските ѕвезди Палмарсон, Бјорнсен и Нилсен, па сите екипи со уште поголем респект ќе гледаат кон данскиот првак.
ПИК Сегед остана без легендата Калман, заминаа Житников, Кашпарек и Кањелас, а нивните места се пополнети со млади, но веќе докажани ракометари. Монпелје остана без лидерот Ричардсон, но доаѓа Паниќ, па би требало тимот да е најмалку исто квалитетен колку лани, кога беше веднаш зад ПСЖ во францускиот шампионат.
КИЛ
дојдоа:/
заминаа: Оскар Сунефелт (Лајпциг), Беван Калверт (асистент тренер во Кил 2), Малте Воигт (Алтенхолц)
МОНПЕЛЈЕ
дојдоа: Карл Валиниус (Луги), Шарл Болцингер (младинци), Карл Конан (Екс ан Прованс), Артур Лене (младинци), Марко Паниќ (Мешков Брест), Лукас Москариело (Куенка), Верон Начиновиќ (Целје)
заминаа: Јонас Тручановичиус (Мотор Запорожје), Мелвин Ричардсон (Барселона), Фредрик Петерсон (Тулуз), Алексис Боргес (Бенфика), Гиорги Цковребадзе (Винтертур)
ПИК СЕГЕД
дојдоа: Себастијан Фримел (Кадетен Шафхаузен), Александер Блонц (Елверум), Мигел Мартинс (Порто), Кент Робин Тонесен (Веспрем), Иманол Гарсиандиа (Екс ан Прованс)
заминаа: Јонас Калман ?, Мартин Страновски ?, Дмитри Житников (Висла Плоцк), Жоан Кањелас (Кадетен Шафхаузен), Станислав Кашпарек (Мешков Брест)
АЛБОРГ
дојдоа: Арон Палмарсон (Барселона), Јеспер Нилсен (Рајн Некар), Кристијан Бјорнсен (Вецлар), Мартин Ларсен (Лајпциг)
заминаа: Мадс Кристијансен (Фредериција), Марк Страндгард (пензија), Магнус Саугструп (Магдебург), Микел Ланг (Скјерн)
ЗАГРЕБ
дојдоа: Филип Ивиќ (Целје), Дино Славиќ (Адемар Леонн), Јаков Гојун (Фуксе Берлин), Сандро Обрановиќ (Мешков Брест), Иван Чупиќ (Вардар), Жељко Муса (Магдебург)
заминаа: Матеј Ашанин (Лудвигсхафен), Тодор Јандриќ (Кретеј), Немања Обрадовиќ (Еурофарм Пелистер), Алекс Влах (Целје), Сенјамин Буриќ (Скјерн), Дарко Стојниќ (Татабања)
МЕШКОВ БРЕСТ
дојдоа: Батист Бонфон (Екс ан Прованс), Станислав Кашпарек (Мешков Брест)
заминаа: Симон Разгор (Марибор), Александар Шкуринскиј (Нант), Сандро Обрановиќ (Загреб), Марко Паниќ (Монпелје)
ЕЛВЕРУМ
дојдоа: Синдре Хелдал (Наербо), Ори Фрејр Торкелсон (Хаукар), Јосип Видовиќ (Арендал), Стиг Торе Нилсен (ГОГ Гудме), Каспер Лиен (Халден), Ерик Јохансон (Гуиф)
заминаа: Александар Блонц (ПИК Сегед), Вилијам Нилсен (пензија), Јозеф Пујол (Данкерк), Симен Шонингсен (Бергишер), Едвин Аспенбек (Хамарби), Лук Абало (пеннзија), Сорен Соренсен (Скиве), Оскар Квернес (Фалк), Јеспер Гуликсен (пензија), Николас Робинсон ?
ПОВРЗАНИ ВЕСТИ
