ИДЕАЛЕН ТИМ НА 17. КОЛО ОД СУПЕР МАШКАТА ЛИГА (АНКЕТА)

Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло и во пролетниот дел од сезоната.

За разлика од ланската сезона, во оваа сезона има 12 екипи, а играат и Вардар и Еурофарм Пелистер.

Сезоната ќе биде долга, ќе има неизвесни битки за пласман во плеј-офот каде ќе играат шест екипи.

Дефинитивно на љубителите на ракометот нема да им недостигаат драматични и неизвесни натпревари.

Како регуларниот дел од сезоната се приближува кон крајот, така се разгоруваат и битките за плеј-оф.

Ние ги одбравме најдобрите седум, а со помош на вашите гласови ќе се одбере ракометарот кој ќе биде МВП на колото.

Ќе можете да гласате до недела до 12 часот.

Според Вас, кој ракометар го одбележа седумнаесеттото коло од машката Суперлига?

Страхиња Симиќ - среден бек - Тиквеш

55.10%

Иван Џонов - лев бек - Пролет

18.03%

Мирко Мајиќ - лево крило - Бутел Скопје

10.54%

Јане Цветковски - голман - Пролет

6.46%

Андре Буторац - десен бек - Еурофарм Пелистер 2

4.42%

Јосип Божиќ Павлетиќ - десно крило - Еурофарм Пелистер

3.06%

Елмир Граџан - пивот - Еурофарм Пелистер

2.38%

СУПЕР МАШКА ЛИГА – РЕЗУЛТАТИ ОД 17. КОЛО

ЕУРОФАРМ ПЕЛИСТЕР 2 – СКОПЈЕ 2020     37:26 – ИЗВЕШТАЈ

БУТЕЛ СКОПЈЕ – РАДОВИШ  26:22 – ИЗВЕШТАЈ

ПРОЛЕТ – СТРУГА      30:22 – ИЗВЕШТАЈ

ПРИЛЕП – ГРК ТИКВЕШ         24:31 – ИЗВЕШТАЈ

ЕУРОФАРМ ПЕЛИСТЕР – ГРК ОХРИД           34:25 – ИЗВЕШТАЈ

МЕТАЛУРГ – ВАРДАР ОДЛОЖЕНО

ТАБЕЛА

ИДЕАЛЕН ТИМ НА 17. КОЛО ОД СУПЕР МАШКАТА ЛИГА

ГОЛМАН: Јане Цветковски (Пролет) – Имаше добар ден, а во моментите кога се правеше одлучувачката предност тој беше играчот кој одигра на ниво и придонесе за создавање на позитива што беше доволно за победа.

ЛЕВО КРИЛО: Мирко Мајиќ (Бутел Скопје) – И во пролетниот дел од сезоната продолжува во иста форма. Одработе на ниво и постигна шест гола.

ЛЕВ БЕК: Иван Џонов (Пролет) – Ги предводеше стрелците во редовите на Пролет. Имаше шест гола со кои беше најефикасен во победата против составот на Струга.

СРЕДЕН БЕК: Страхиња Симиќ (Тиквеш) – Кавадарчани имаа одличен лидер во него во новата победа. Тиквеш славеше во Прилеп, а Симиќ постигна седум гола.

ДЕСЕН БЕК: Андре Буторац (Еурофарм Пелистер 2) – Одигра една од најдобрите средби во оваа сезона. Со шест гола ги предводеше своите колеги во победата против тимот на Скопје.

ДЕСНО КРИЛО: Јосип Божиќ-Павлетиќ (Еурофарм Пелистер) – Покажа дека селекторот на Хрватска погреши кога не го повика на ЕП. Одигра ефикасно на првиот дуел постигнувајќи осум гола.

ПИВОТ: Елмир Граџан (Еурофарм Пелистер) – Одработе убава средба против Охрид. Имаше забележителна партија, а средбата ја заврши со пет погодоци.