Ракометниот Суд во Европската ракометна федерација донесе одлука по дисциплинската постапка што беше отворена против турскиот шампион Кастамону, за натпреварот во Турција од ЕХФ Купот против Шиофок одигра на 1 март оваа година.
Домаќинот не ги испочитува сите процедури пред почетокот на натпреварот и ќе плати висока казна од 6.000 евра.
Банер со политичка и религиозна содржина држеа домашните ракометарки кој се гледаше на ТВ преносот, а по поздравувањето со противничките ракометарки, домаќинките излегоа од теренот и ја пееја турската химна со навивачите.
Ракометниот Суд одреди казна од 2.000 евра за отворањето на мечот, а уште 4.000 евра за фрлањето на предмети на теренот од страна на домашните навивачи (хартија, пластични шишиња со вода) што беше причина за повеќе минутен прекин.