Ракометарите на Вардар продолжуваат да настапуваат во турбо ритам на три фронтови овој месец.
Македонскиот шампион денеска е на гости во Монпелје во меч од Лигата на шампионите (18:45), а утре оттаму ќе патува до Нашице, каде за два дена има натпревар.
Тоа ќе биде двобој против Нексе (20:00), од третото коло во регионалната СЕХА лига, а хрватскиот тим славеше во Скопје на премиерата во новата сезона од ова натпреварување.
В сабота вардарци ќе се вратат во Македонија, но нема да имаат многу време за одмор и пауза, бидејќи в недела ги чека нов предизвик.
„Црвено-црните“ ќе гостуваат кај Тиквеш (19:00) во Кавадарци на дуел од 21 коло во суперлигашкото друштво.
Стратегот Давид Дејвис се соочува со големи проблеми поради повредата на Анте Гаџа, но ќе комбинира со Мартин Карапалевски и Стефан Крстевски на средната бековска позиција.
ПОВРЗАНИ ВЕСТИ
