Во рамки од 2. коло на ЕХФ шампионатот за младинци, кој се одржува во Варна, беа одиграни вкупно 4 натпревари, два натпревари од групата А и два натпревари од групата Б. Победа во денешните натпревари остварија репрезентациите на Швајцарија, Литванија, Израел, како и репрезентацијата на Македонија.
Покрај мечот на Македонија и Косово, во нашата група се одигра и дуелот меѓу Швајцарија и Украина. Репрезентацијата на Швајцарија без многу проблеми дојде до триумф од 34:24 (14:14). Слободна во првото коло од групата Б беше репрезентацијата на Романија.
Израел е на добар пат да го освои првото место во групата Б, откако во вториот натпревар триумфираше против Велика Британија со 12 гола разлика, 33:21 (13:10). Ракометарите на Израел на првиот натпревар во Варна беа подобри и од репрезентацијата на Луксембург со 32:26.
Во споменатата група, Литванија во својот прв натпревар оствари победа над Луксембург, триумфираше со 26:22 (14:11). Грција беше слободна во второто коло од групата А.
ЕХФ шампионат, младинци, резултати 1 коло:
група А
Велика Британија – Израел 21:33 (10:13)
Луксембург – Литванија 22:26 (11:14)
група Б
Косово – Македонија 21:51 (11:21)
Украина – Швајцарија 24:34 (14:14)
ПОВРЗАНИ ВЕСТИ
