Откако машката сениорска репрезентација беше елиминирана на зелена маса од квалификациите за место на Мундијалот во Египет 2021 година, ист е случајот и со женската репрезентација.
Иако и да се играа квалификациите, избраничките на Симе Симовски немаа шанси за место на Европското првенство во Данска и Норвешка кон крајот на годинава, ЕХФ ги откажа сите преостанати квалификациски дуели.
Македонија досега загуби од Шведска и Чешка, а требаше да игра уште по еднаш со тие ривали, како и два пати со Португалија.
На ЕП во Данска и Норвешка, покрај домаќините, ќе играат и прво и второпласираните репрезентации од седумте квалификациски групи, а тоа се – Холандија, Шпанија, Унгарија, Црна Гора, Германија, Словенија, Русија, Србија, Шведска, Чешка, Хрватска, Франција, Полска и Романија.
Ждрепката за групната фаза на ЕП ќе биде одржана на 18 јуни во седиштетот на ЕХФ во Виена.
ПОВРЗАНИ ВЕСТИ
