Некогашниот спортски директор и тренер на Вардар, Едуард Кокшаров, останува на кормилото на белорускиот шампион Мешков Брест.
Раководството на клубот го продолжи договорот со рускиот тренер и му ја даде довербата за новата натпреварувачка сезона.
Кокшаров работеше во машкиот и женскиот клуб на Вардар, беше селектор на Русија на СП 2019 и ЕП 2020, а минатата година, по двегодишна пауза, му се врати на ракометот и беше предводник на Ростов Дон.
Како што е познато, тимот на Мешков Брест и во следната сезона ќе игра само во домашниот шампионат.
Европската ракометна федерација (ЕХФ) минатата година ги суспендираше клубовите од Белорусија и Русија, како репрезентациите од овие две земји поради ситуацијата во Украина.
ПОВРЗАНИ ВЕСТИ
