Тимот на Шампион ја запиша втората победа во новата сезона од Првата лига. Откако славеа над Кичево минатиот викенд, избраниците на Слободан Чивлачки, го победија и тимот на Преспа во драматичен финиш со 26-25.
Во првото полувреме најчесто се играше гол за гол, па на пауза се замина со реми, 12-12. Во вториот дел тимот од Ресен го диктираше темпото и имаше во неколку наврати плус три, кои се покажа дека не беа доволни.
По 19-22, Шампион израмни на 22-22, а по 24-24 во финишот, поведе со 26-24. Преспа успеа да намали на 26-25, имаше во последните секунди и напад за реми, постигна гол, но судиите Јашар и Капсарева сметаа дека беше постигнат по истекот на времето и мечот заврши со победа на Шампион.
Најдобри стрелци во победничкиот тим беа Миланов со седум погодоци и Игнов со шест, додека во составот од Ресен се истакнаа Савевски со девет и Шиклевски со шест голови.
ПОВРЗАНИ ВЕСТИ
