Ракометарите на Борец ја остварија првата победа во Првата лига, откако славеше со пресврт во вториот дел над составот на Кичево со 27-38.
Во првиот дел кичевци држеа темпо, најчесто ја имаа и предноста, и на пауза се замина со плус еден во нивна корист, 15-14.
На стартот на второто полувреме Кичево дојде до плус два, 16-14, но потоа почна да паѓа и велешките ракометари да ја преземаат контролата на теренот.
Најпрво стигнаа до плус три, 19-22, а потоа до крајот само ја зголемуваа предноста до конечните плус 11, 27-38.
Најефикасни во редовите на Борец беа Стефан Димески со десет погодои, како и Илија Табаков со осум, додека кај Кичево се истакнаа Владимир Новески и Кристијан Анѓелевски со по шест погодоци.
ПОВРЗАНИ ВЕСТИ
