Дербито во Скопје за Струга, плеј-офот веќе на дланка

Екипата на Струга дојде до победа од 28:23 на гостувањето во Скопје против КЛ 7 и на тој начин се избори за три бода кои веројатно ќе значат и плеј-оф. Ова беше клучен натпревар за третата позиција во групата, а Струга го реши овој дуел со контрола од првата до последната минута така што на крајот бодовите одат за гостинскиот состав.

Од стартот на средбата се виде дека екипата на Струга е дојдена во Скопје по бодови. Со новиот ракометар во тимот, Ракоција имаше повеќе избор во бековската линија. Стружани тргнаа во водство од почеток. Домашните израмнија на 1:1, а потоа имаа и 3:3, но тука како малку да го загубија чекорот.

КЛ 7 остана близу до Струга, но постојано беше 2-3 гола разлика за гостинскиот состав. Голманот Јовановски на моменти успеваше да биде играчот кој создава разлика на теренот и тоа влијаеше на резултатот. Ракометарите на КЛ 7 се трудеа брзо да дојде до позиција за шут, а брзата игра ги водеше и до грешки, па до крајот на првиот дел имаа негатива и од пет гола. На одмор беше 8:13.

Предноста од првиот дел гостите знаеја како да ја зачуваат и да останат во плус од пет гола. Иако играчите на КЛ 7 се обидоа да намалат во првите минути од второто полувреме не можеше да се доближат и да влезат во понеизвесна завршница.

На средина од вториот дел имаа негатива од три гола, 17:20, но тоа беше сè. Гостите знаеја да се вратат во потребниот ритам и одново да дојдат до плус пет. Во 53. минута Струга одново имаше плус пет и водеше со 25:20 и тука практично заврши сè. На ова се надоврза и голманот Јовановски кој имаше двоцифрен број на интервенции со што беше еден од оние кои имаа голем придонес во победата на тимот на Струга.

ГАЛЕРИЈА

Previous Next

{"slidestoshow":1,"slidestoscroll":1,"dots":"false","arrows":"true","autoplay":"true","autoplay_interval":3000,"speed":300,"loop":"true","lazyload":""}

1

/ 74

КЛ7 – Струга

1

/ 74

Со победата од 28:23 тимот на Струга дојде до победа на гостувањето во Скопје кај КЛ 7 и на тој начин сега е на чеко од плеј-офот во Супер машката лига. На овој натпревар, Струга доминираше од првата минута и до крајот беше во предност која беше пет погодоци. Јовановски бранеше одлично и имаше 15 интервенции и заедно со Рајатовски (8 гола), Лакичевиќ (6) и Илиевски (6) беше еден од клучните за победата. Кај домашните најефикасен беше стружанецот Ѓорговски со шест гола.

Оваа победа за стружани веројатно ќе биде и сосема доволна за пласман во плеј-офот, а со тоа и за директен опстанок додека КЛ 7 иако игра одлично во последниот месец, сепак, ќе мора во плеј-аут лигата каде што ќе има голема борба напролет.

ГОЛДЕН АРТСТРУГА 1 декември 2020 23 - 28 Крај

Детали

Датум	Време	Лига	Сезона	Match Day	Крај
1 декември 2020	19:24	СУПЕРЛИГА А	2020/2021	01.12.2020	60'

Место

СЦ „Борис Трајковски“

Резултати

Екипа	1-во полувреме	2-ро полувреме	Резултат
ГОЛДЕН АРТ	8	23	Пораз
СТРУГА	13	28	Победа

ГОЛДЕН АРТ

#	Играч	Позиција	Исклучување	Голови
4	Дејан Џигероски	централен бек	0	0
5	Александар Стојков	десно крило	1	2
6	Филип Крстески	пивот	0	0
7	Никола Цветаноски	лев бек	0	2
10	Симон Гучески	лево крило	0	2
14	Кристијан Симоноски	пивот	0	3
17	Божидар Илиески	централен бек	0	1
19	Мартин Димовски	десен бек	0	4
20	Виктор Василевски	голман	0	0
22	Евгениј Темелкоски	десно крило	0	1
23	Емилијан Ѓорговски	лев бек	1	6
24	Олег Јорданов	лев бек	0	0
25	Андре Буторац	десен бек	1	2
26	Марко Стојковиќ	пивот	0	0
31	Глигор Гајиќ	централен бек	0	0
99	Андреј Петковски	голман	0	0
	Вкупно		3	23

СТРУГА

#	Играч	Позиција	Исклучување	Голови
1	Владо Затаракоски	голман	0	0
2	Петар Маркоски	-	1	1
5	Бобан Савески	-	0	0
7	Пеце Рајатоски	десно крило	0	8
10	Вук Лакичевиќ	десен бек	2	6
11	Тодор Јанкулоски	десно крило	0	0
12	Мартин Јовановски	голман	0	0
13	Петар Ферукоски	пивот	0	0
14	Славиша Димитријески	централен бек	0	1
18	Богдан Николиќ	централен бек	2	3
23	Игор Илиевски	лево крило	1	6
24	Ненад Костоски	лево крило	0	1
25	Вукашин Ракочија	лев бек	1	2
44	Дарио Симоноски	пивот	1	0
95	Слободан Новаковиќ	лев бек	0	0
99	Кристијан Трајкоски	централен бек	0	0
	Вкупно		8	28