По возбудливата сабота, во која Вардар киксна во Кавадарци кај Тиквеш, а Еурофарм Пелистер со победата над Охрид дојде до зацртаната цел, освојување на титулата, на денешната програма ќе се одигра последниот дуел од претпоследното, 13. коло во плеј-оф фазата од елитата.
Пролет и Бутел Скопје во спортската сала „Македонско Сонце“ ќе имаат пресметка за подобар пласман на табелата. Тимот на Бутел Скопје моментално се наоѓа на 6. позиција и има големи шанси сезоната да ја заврши на петтото место, додека тимот на Пролет ќе се обиде да го избегне последното место.
Во претпоследното коло од плеј-аут групата остана да се доигра дуелот меѓу екипите на Куманово и Прилеп. Ракометарите на Куманово веќе обезбедија опстанок за следната натпреварувачка сезона и на дуелот со Прилеп ќе можат да си дозволат луксуз. На тимот на Прилеп му треба барем бод за сигурен опстанок во суперлигашката конкуренција.
Кај прволигашите ќе се одиграат два дуели. Дебитантот Голден Арт 2 на домашен терен ќе ја пречека Македонија ЃП. Со почеток од 19:30 часот, пресметка ќе имаат Металург РА и Кичево.
Низ Европа ќе се игра во Бундес и Асобал лигата, Франција, Словенија, Полска…
ДЕНЕСКА НА ТЕРЕНИТЕ:
12:30 ВАЉАДОЛИД – СИНФИН (ШПАНИЈА)
14:00 ДУНАРЕА – БИСТРИЦА (РОМАНИЈА)
14:00 МАГДЕБУРГ – ФЛЕНСБУРГ (БУНДЕС ЛИГА)
16:05 ХАНОВЕР – РАЈН НЕКАР (БУНДЕС ЛИГА)
16:05 КИЛ – ЕРЛАНГЕН (БУНДЕС ЛИГА)
16:05 ЛЕМГО – ШТУТГАРТ (БУНДЕС ЛИГА)
16:30 ЧСМ БУКУРЕШТ – ТАРГУ (РОМАНИЈА)
17:00 ПСЖ – ШАРТ (ФРАНЦИЈА)
17:00 ПЛЗЕН – КАРВИНА (ЧЕШКА)
17:00 КЕЛЦЕ – ВИСЛА ПЛОЦК (ПОЛСКА)
17:30 ТОРЕЛАВЕГА – АДЕМАР ЛЕОН (ШПАНИЈА)
18:00 КУМАНОВО – ПРИЛЕП (МАКЕДОНИЈА)
18:30 ГОЛДЕН АРТ 2 – МАКЕДОНИЈА ЃП (МАКЕДОНИЈА)
19:00 ПРОЛЕТ – БУТЕЛ (МАКЕДОНИЈА)
19:00 ДОБОВА – СЛОВАН (СЛОВЕНИЈА)
19:00 МОРАЦО – ГРАЊОЛЕРС (ШПАНИЈА)
19:30 МЕТАЛУРГ РА – КИЧЕВО (МАКЕДОНИЈА)
20:30 ЛА РИОХА – БЕНИДОРМ (ШПАНИЈА)
ПОВРЗАНИ ВЕСТИ
