Ракометарите на Вардар ги очекува натпреварот против Келце од осмото коло во Лигата на шампионите.
Десниот бек Марко Вујин смета дека грешките од првиот меч ќе бидат исправени и Вардар оди на победа во Келце.
„Не чека натпревар во Келце, се работи за силен противник. Мислам дека без навивачи домашниот терен не е предност. Одработивме неколку тренинзи, видео анализи меѓу овие два меча, ги најдовме грешките од првиот меч и се надевам дека ќе ги исправиме. Се надевам на позитивен резултат. Келце е врвна екипа, но и Вардар е…ние одиме на победа, па ќе видиме што ќе се случи“, вели Вујин.
Натпреварот меѓу Келце и Вардар се игра утре со почеток во 20:45 часот во салата „Легионово“.
На првиот дуел во Скопје, вардарци загубија со четири голови разлика, 29-33, а досега во пет гостувања во Келце немаат ниту една победа.
Георгиевски: Ако реализираме зицери и ако не го разбраниме Вулф, тогаш имаме шанси
ПОВРЗАНИ ВЕСТИ
