Поранешниот член на Вардар, Бразилецот Хозе Толедо после една сезона во редовите на Минаур Баја Маре ќе мора да си побара нов клуб.
Тој е еден од играчите кои си заминуваат од клубот и ќе мора да си побара нова средина.
Клубот официјално им се заблагодари за соработката така што е јасно дека Бразилецот, кој во Вардар повеќе беше на листата на повредени отколку што играше така што не успеа многу да се истакне и во Баја Маре, па брзо си заминува.
Толедо е играч кој има 27 години, а во 2014 година дојде во Европа. Една сезона мина во редовите на Грањолерс од Шпанија, а потоа од 2015 до 2019 година го носеше дресот на Висла Плоцк. Во сезоната 2019/20 играше за Вардар, но немаше многу настапи поради повредата.
После само една сезона го напушта и Баја Маре, па останува да се види кој ќе биде неговиот следен клуб.