Белорусија со триумф над Австрија во неважен натпревар

Во натпревар кој немаше никакво резултатско значење, Белорусија обезбеди триумф против Австрија со резултат 29:26. Со освоената победа, ракометарите на Белорусија ја освоија третата позиција во рамките во Групата Д. И двете селекции го завршуваат настапот на Европското првенство 2022.

Австрија константно беше во солидна предност во првото полувреме. Водството на Австрија на моменти беше со највисоки четири гола предност, 11:7, 12:8 и 13:9. Ракометарите на Белорусија во завршниот дел од првото полувреме преку Кривенка го изрманиа резултатот на 14:14 и најавија понеизвесен натпревар.

Во последните пет минути игра од првиот дел се играше гол за гол, па така на полувреме резултатот беше 16:16.

И во второто полувреме неизвесноста на терен беше присутна бидејќи двете репрезентации беа во постојана резултатска бркотница и ниту една од нив не можеше да се одлепи на поголема разлика од три гола во вторите 30. минути.

Белорусија беше повеќе концентрирана во последните петнаесетина минути и успеа повторно да дојде до водство. По нерешениот резултат од 24:24, следуваа два погодоци на Белорусите за водство од 26:24 на седум минути пред крајот.

Австрија немаше доволно сили за камбек на натпреварот и мораше со пораз да се прости од Европското првенство.

ЕП 2022, ГРУПА Д – ТАБЕЛА