Двете најдобри ракометарки на екипата на Астибо, Марија Анчева и Драгана Стојанова ги постигнаа сите голови за гостинскиот состав од Штип на дуелот против Металург, но тимот од Автокоманда дојде до победа од 30:20.
Кој ќе победи беше јасно од почетокот така што во продолжение беше прашање само на разликата со која ќе се дојде до триумф.
Анчева отвори во 1. минута, а потоа домашните со шест гола по ред стигнаа до предност која ја одржуваа до крјот на средбата. Големиот талент на македонскиот ракомет, Ива Младеновска беше лидерот во нападот на Металург и на крајот имаше седум гола, со кои беше најефикасна кај победникот, а таа ги водеше колешките до предност од 14:9.
Во вториот дел предноста беше зголемена. Како што може да се забележи и од записникот гостинките главно ги завршуваа нападите преку две ракометарки така што немаше многу шанса за да се направи пресврт. Металург рано го реши победникот бидејќи имаше и плус 13, 30:17, па во последните три минути дојде до опуштање со што беше поставен конечниот резултат.
На крајот беше 30:20, па бодовите останаа за Металург така што бодовите заслужено останаа дома.
МЕТАЛУРГ – АСТИБО 30:20 (14:9)
Сала: Автлкоманда во Скопје. Судии: Адриана Здравковска и Сања Божиновска од Скопје. Делегат: Стево Костенчев од Скопје.
МЕТАЛУРГ: Илјаз, Христоска, Тодоров, Ѓошевска 1, Гугуљанова 4, Петреска 2, Ивановска 2, Коловска 4, Младеновска 7, Т. Темелковска 2, М. Темелковска 1, Калајџиевска 3, Божиновска 2, Нестороска 2
Седмерци: 2/2, Исклучувања: 8 мин.
АСТИБО: Петрушева, Димова, Анчева 12, Карафиловска, Јовановска, Јованова, Стојанова 8, Кировска, Ананиева, Манева, Милева
Седмерци: 3/3, Исклучувања: 4 мин.
СУПЕР ЖЕНСКА ЛИГА – ГРУПА Б
ТАБЕЛА
ПОВРЗАНИ ВЕСТИ
