Женската кадетска репрезентација на Македонија загуби од Исланд со 25-22 и не успеа да се пласира во четвртфиналето на Мундијалот.
Избраничките на Љубомир Савевски на 7 и 8 август ќе разигруваат за пласман од 9 до 12 место.
Прв ривал во тоа разигрување ќе ни биде селекцијата на Германија, која заврши на третата позиција во групата 3 од главната рунда.
Натпреварот меѓу Македонија и Германија се игра в недела, на 7 август во СЦ „Борис Трајковски“ со почеток во 14:00 часот.
Доколку победиме, ќе играме со победникот од дуелот меѓу Хрватска и Норвешка за 9 место, а доколку загубиме ќе играме против поразениот од тој двобој за 11 место.
ПОВРЗАНИ ВЕСТИ
