Репрезентативката на Македонија, Симона Гроздановска повторно имаше забележителен настап во шампионатот на Швајцарија.
Македонката заедно со нејзиниот тим Винтертур ремизираа против екипата на Тун, 28:28 (9:14).
Иако Винтертур во најголемиот дел од средбата беше во водство, на моменти имаше и седум-осум гола разлика, сепак, домашната екипа со подобрата игра во вторите 30 минути стигна до голем бод.
Ракометарката до Македонија повторно беше најефикасна во својот тим, постигна седум погодоци и подели неколку асистенции кон нејзините соиграчки.
Винтертур по четири одиграни кола се наоѓа на 6. позиција на табелата со биланс од една победа, едно реми и два порази.
ПОВРЗАНИ ВЕСТИ
