Од денеска стартува продажбата на билети за бараж натпреварот меѓу женските селекции на Македонија и Полска што ќе се игра на 12 април во Битола.
Билетите се по цена од 100 денари, а Ракометната федерација на Македонија реши натпреварот да има хуманитарен карактер и сите средства да бидат донирани за настраданите во трагедијата во Кочани.
Продажбата стартуваше денеска на пладне, а билетите може да се купат ТУКА или низ продажните места на МК Тикетс низ Македонија.
Првиот меч меѓу Македонија и Полска ќе се игра во Кошалин на 9 април од 20:30 часот, додека реванш натпреварот е закажан за 12 април од 19:00 часот во салата „Боро Чурлевски“ во Битола.
