Талески и Митревски со пласман во четвртфиналето од португалскиот Куп

Македонскиот репрезентативец Филип Талески заедно со екипата на Бенфика обезбедија пласман во четвртфиналето од Купот на Португалија.

Бенфика за ривал во осминафиналето го имаше незгодниот тим на Брага и успеа да триумфира со шест гола разлика, 33:27.

Талески и неговите соиграчи победата ја обезбедија уште во првото полувреме, кое го добија со 18:13.

Левиот бек беше меѓу најефикасните на теренот и во листата на стрелците се запиша пет пати.

Пласман во четвртфиналето обезбеди и Порто, во кој настапува голманот Никола Митревски.

Порто во осминафиналето се соочи со Агуаш Санташ и немаше поголеми проблеми за да дојде до триумф од 46:21 (22:11).